Den 17 forlot me Ribadeo ca kl 09:15. Sola skjein og det var ganske stille. Det blei ein superfin dag på sjøen med finfin seiling nesten heile vegen. Det blei vasking av båt og polering av diverse. Me prøvde oss på litt dorging, og fekk litt trålpose som rak i sjøen. Og snøret rauk. Ca kl 16:30 ankom me Porto de Bares. Her var det merka med kun ankring, og det stemte. Alle fiskebåtane lå til ankers. Det var vel ca 30 hus ved stranda, og ei kjyrkje sjølvsagt. Me sleppte ankeret og hoppa i sjøen. Bada og snorkla litt, sjekka anker og skrog og propell, og alt såg bra ut. Så blei det captains dinner. Det vil sei at eg lager alt, og Raymond steiker biffen.. Litt raudvin og slomring i solnedgangen. Fiskarane ror rundt med to snører på 4 meter og dorger etter fisk. Mens dei rykke og drar voldsomt i dei til tider. Ser ut som det er småfisk dei får. Me får prøva teknikken med gummibåten ein annan dag.